გარემოსდაცვითი და სოციალური შეფასების სკოპინგის ანგარიშის საჯარო განხილვა

 

აღნიშნული პროექტის ფარგლებში, შპს „მასდარ ჯორჯია ენერჯიმ“ 2024 წლის 24 დეკემბერს, გარემოს დაცვისა და სოფლის მეურნეობის სამინისტროსთან, სსიპ გარემოს ეროვნულ სააგენტოსთან ერთად, სოფ. გამარჯვება 1-სა და სოფ. ახალ სამგორში გამართა საკონსულტაციო შეხვედრა, სადაც დაგეგმილია ახალი სამგორის მზის ელექტროსადგურის მშენებლობა. აღსანიშნავია, რომ 2025 წლის 22 იანვარს სსიპ გარემოს ეროვნული სააგენტოს მიერ გაიცა პროექტის შესახებ სკოპინგის დასკვნა.

 

გამომდინარე იქიდან, რომ სკოპინგის საჯარო განხილვებში მონაწილეობა მიიღო ადგილობრივმა მოსახლეობამ და არ იყო წარმოდგენილი არასამთავრობო ორგანიზაციები/დარგობრივი ინსტიტუტები, სს „საქართველოს ენერგეტიკის განვითარების ფონდი“ შპს „მასდარ ჯორჯია ენერჯისთან“ გეგმავს მორიგი საჯარო განხილვის ჩატარებას. აღნიშნულ შეხვედრაში მონაწილეობას მიიღებენ: არასამთავრობო ორგანიზაციები, საკონსულტაციო კომპანიები, აკადემიური სფეროს წარმომადგენლები და სხვა დაინტერესებული პირები.